陳家樂一往情深，到頭來原來係一廂情願，余香凝被爆出一腳踏兩船時。呢邊箱就有人將槍頭轉向陳家樂身上，大爆陳家樂嘅黑歷史！原來陳家樂曾經做過第三者？
Cap嚟見我
被爆暗撻同門師妹03年參加英皇新秀入行嘅陳家樂，出道 11年依然半紅不黑，間中接拍微電影，但最令人印象深刻嘅，應該就係兩年前同林欣彤演情侶嘅《 DIVA華麗之後》。

當時仲係27歲嘅陳家樂為英皇藝人，12年拍電影《 DIVA華麗之後》就被傳同師妹林欣彤撻着。


陳家樂同林欣彤拍《 DIVA華麗之後》時有激吻戲，當時傳出陳家樂力追林欣彤兩年先得手，不過就似乎隱瞞自己有個同居女友。

陳家樂做過小三？當時林欣彤亦被指，為同陳家樂拍拖，飛甩當時同居男友羅孝勇。
林欣彤啱啱出道果陣，患上抑鬱症，係對抗病情期間有當時男友羅孝勇一直支持。

可惜感情就捱唔到三年！兩人最終於13年分手，但係疑似係導火線嘅陳家樂，果陣從無公開過同林欣彤之間嘅戀情！
本來林欣彤同羅孝勇拍拖好哋哋，因陳家樂介入而令到林欣彤一度因為感情煩惱而再次暴瘦兼抑鬱，最瘦時更跌至 80磅新低！

 
收埋拍拖11年女朋友事隔兩年之後，有一個名為「 Emily-EY」嘅女仔，疑似係陳家樂拍拖多年嘅女朋友，突然係微博公開數臭陳家樂。仲話自己受到陳家樂背叛同傷害，又怒插對方完全俾唔到安全感自己，更暗示陳家樂一腳踏兩船，背住自己四圍溝女。
Emily微博內有不少同陳家樂嘅親密合照，但全部得半邊樣，或者用公仔遮面。疑似係因為陳家樂力追林欣彤時，聲稱自己係單身，雖然兩人否認撻着，但係就有個名為「 Emily-EY」嘅女仔在微博狂鬧陳家樂。
Emily踢爆陳家樂喺 Instagram上載嘅食物相，其實係兩個人撐枱腳。陳家樂被指係花心賤男，後黎又承認「 Emily-EY」係舊女友表示：「係我主動提出分開吓先，今年想專注事業！」
陳家樂疑因積極工作，而搞到俾前度朋友唱通街！據了解，陳家樂初出道時早就同 Emily係同居關係。陳家樂亦多次向女方提出分手，但因女方反應激動甚至表示要自殺，而搞到關係一直拖拖拉拉。
原來一直明撻林欣彤，暗拖「 Emily-EY」！呢招都幾高，又可以提高知名度。林欣彤當時就表示唔知陳家樂有女友，所以先會將兩人私照上載到社交平台。
陳家樂當時曾被問到一腳踏兩船嘅事，不過佢就否認分手係同林欣彤有關。當時陳家樂表示：「想今年專心工作先，佢 (Emily)都贊成分開 1年！」

而形象插水嘅「最強第三者」林欣彤回應傳媒時表示：「我同家樂只係好朋友，我無諗過亦唔會介入人哋嘅感情，唔會做第三者！」
公開戀情定性嘅陳家樂同(前)女朋友余香凝拍拖之後，亦無收收埋埋，仲大方公開～因此令緋聞消息絕跡！而兩人曾於17年遇上車禍，當時余香凝差啲毀容，而陳家樂就買咗粒鑽石戒指同女友求婚，並許下承諾要照顧對方一生一世。

而且陳家樂唔止一次係訪問中提及，視余香凝為結婚對象，而兩人亦早已同居並且見過雙方家長，直頭係非卿不娶果隻！

 
現年31歲嘅陳家樂入行15年，由當年參加新秀輾轉簽了英皇娛樂，再開始其演戲生涯，直到近年事業開始起飛。
早前更憑無綫劇《逆緣》中「冷凍爺爺」鍾定國一角成功入屋，工作機會不斷，可謂事業高峰期！

邊個諗到藝人陳家樂早前憑無綫劇《逆緣》成功入屋，又與拍拖近四年的女友余香凝感情穩定，可謂愛情事業兩得意，有足夠能力儲老婆本買樓築愛巢之際，竟然會傳出分訊！

---